PANTUN ACEH

PANTUN ACEH

tajak u pasie ta kawee bieng
laju tapeusieng bak abah kuala
sira lon duek sira lon ngieng
yang ek lalat bak mieng awai lon tanda

Bukon sayang putik boh rambot
Teungoh lon chet-chet ka luroh keudroe
‘Oh lon ingat bit hana patot
Le that buet karot di dalam nanggroe (@iloveaceh)

Aneuk cicem gle jipo u laot
Cicoh le eungkot aneuk tanggiroe
Bak but nyang jahe hanmee taikot
Bak but nyang karot hanmee tapeutoe (@iloveaceh)

Ta pegot rmoh ngon bate bata
Tajak kuliah hideh di Jawa
Whai Atjeh brat that rindu ulon ke gata
Tmpat ternikmat ban saboh donya (@panji_njok)

Cabeung bak saoh meuhunjat-hunjat
Peuleuheun tamat bak meuhue-hila
Tangui tapajoh beuhimat-himat
Beuna taingat keusingoh lusa. (@iloveaceh)

Tajak u Banda ta kaleun Masjid Raya
Kuah beu leumak ue bek beukah
Dalam hudepnyo beu rayeuk saba
Mangat hudep lam ridha Allah (@teukusube)

Asai phon luka bak geutah mancang
Asai phon meuprang bak seunoh teuga
Asai phon dawa bak tungge utang
Asai phon reunggang bak tungge laba (@iloveaceh)

Asai phon pade bak tanoh ladang
Asai phon blang bak tanoh data
Asai phon pake bak meuayang
Asai phon meucang bak seunda-seunda. (@iloveaceh)

Kujak u Pasai merumpok Fatimah
Meunan kukalon dijak ngon yahwa
Meunyo perlee inong yang muslimah
Bek ragu hate neujak u Kutaraja (@oochex)